အကြောင်းပြချက် ရှာလို့မရဘူး။
ရင်ထဲမှာ တခုခုဖြစ်နေတာတော့ သေချာတယ်။
အလေ့ကျပေါက်နေတဲ့ နှင်းဆီရိုင်းလို
အာရုံမှာ မွှေးရှသွားရုံလေး
ကုန်ဆုံးလုလု ညနေခင်းလို
ရင်ခွင်မှာ မှိုင်းပျသွားရုံလေး
ခံစားချက်ပါးပါးလေး တစ်ခုပေါ့။
သေချာတာတော့
တခါတလေမှာ အားငယ်
တခါတလေမှာ ၀မ်းနည်း
တခါတလေမှာ မျက်ရည်ဝဲလို့
ဘယ်ခံစားမှုနဲ့မှလည်း မတူခဲ့
ပူလောင်မှုမဲ့တဲ့ အဖြူရောင်အလွမ်းတွေနဲ့လေ။
ဘယ်အချိန်ထိ တင်းခံရဦးမှာလဲ။
အောင်မြင်မှု ဆိုတဲ့အရာအတွက်
ပေးဆပ်ခဲ့ရတာတွေက မတန်တဆ
ခံနိုင်ရည် မြေမကျခင်တော့
ကံကြမ္မာရေ - အိမ်ပြန်ခွင့်လေးရချင်တယ်။ ။
Saturday, April 18, 2009
Subscribe to:
Post Comments (Atom)
0 comments:
Post a Comment