အင်္ဂါမစုံတဲ့နှစ်

အရင်တုန်းက
သီတင်းကျွတ်လပြည့်ညတွေမှာပေါ့
လမင်းက ဝင်းပပ
ရာသီဥတုက ကြည်ကြည်လင်လင်
ဒီလိုနဲ့ ကျွန်မတို့လည်း ပျော်ရွှင်ခဲ့ဖူးတယ်
မီးပန်းတစ်ခိုင် ဖယောင်းတစ်တိုင်နဲ့
မောင်နှမတွေဝိုင်းထိုင်လို့
ရယ်သံတွေလည်းလှိုင်ခဲ့ဖူးတယ်...


ဖေနဲ့မေကို သားသမီးတွေကရှိခိုး
အစ်ကိုကြီးကို ညီမလေးတွေက ရှိခိုး
အစ်မကြီးကို ညီမလေးတွေကရှိခိုး
မြန်မာတို့ရိုးရာအတိုင်း
မိသားစုကန်တော့ဝိုင်းလေးလဲ ရှိခဲ့ဖူးတယ်။

ဥမကွဲ သိုက်မပျက်
တူညီတဲ့ရင်ခုန်သံ စည်းချက်တွေနဲ့
ဒီတစ်သက်နေထိုင်စေ တဲ့
ဖေဖေရဲ့ ဆုပေးသံ
တို့မိသားစုတွေ
ပြုံးပြုံးကြီးနာခံခဲ့ဖူးတယ်...

အခုတော့ အစ်ကိုကြီးကတစ်ခရီး
အစ်မကြီးက တစ်နေရာ
ခွဲခွာနေရတဲ့ဒီတစ်နှစ်
လွမ်းစရာတွေဖြစ်ရမှာမို့
နတ်သိကြားတို့ရယ်
သီတင်းကျွတ်မပါတဲ့
ပြကဒိန်အသစ်တစ်ခုပေးပါ။ ။