မေမေ့ကို လွမ်းတဲ့ည

အဲဒီညကပေါ့ -------
အပြင်မှာ နှင်းတွေ သိပ်သိပ်သည်းသည်းကျသလို
သမီးလည်း မေမေ့ကို နင့်နင့်သည်းသည်း သတိရနေတယ် မေမေ။
မေမေမေတ္တာကြီးမားလိုက်ပုံများ
တမ်းတလိုက်ရုံလေးနဲ့တောင်
နွေးထွေးလုံခြုံလိုက်တာ။
ရင်ထဲမှာ အကျယ်ကြီးအော်ခေါ်ပစ်လိုက်တယ်။
လွမ်းလိုက်တာ မေမေရယ်။

လောကကြီးက ခယောင်းလမ်း မေမေရဲ့။
ပေါင်းမြက်ခက်ထန် အတ္တကြမ်းတွေနဲ့
အသွားထက်တဲ့
လောကဒဏ်ရဲ့ ဓားရှစ်လက်ကြားမှာ
ပတ်ဝန်းကျင် ဆိုတာကလည်း အစိမ်းသက်သက်
(သမီးတော့လေ)
မေမေ့ရင်ခွင်ထဲက နေ့ရက်တွေကို လွမ်းတယ်။

ပျော်ရာမှာမနေ၊ တော်ရာမှာနေရမတဲ့။
မေနဲ့ ဝေးတဲ့ဘ၀
သမီး - အသားမကျဘူးမေ။
အိမ်ကိုပဲ ပြန်ချင်နေတယ်။
တကယ်ဆို -
ရင်ခွင်ပျောက်နေတဲ့ ကလေးငယ်ပါ။
သည်းခံနိုင်မှု စွမ်းအားတွေ
အသက်ငင်ခဲ့တာ ကြာပေါ့။

မေမေဟာ သမီးတို့ ကမ္ဘာရဲ့ အလင်း
ရယူခြင်းမဲ့ အကြင်နာ၊ မေတ္တာ
နေ့ရက်များစွာ ပေးဝေခဲ့ ----
သမီးရဲ့ နုပျိုမစွမ်းချိန်တွေမှာ
မေမေက နေရောင်ဖြာခဲ့ ---
အဆုံးမဲ့ အိပ်မက်ရှည်တွေနဲ့
သမီးရဲ့ အနာဂတ်ကို ပျိုးခဲ့ ---

သမီးရဲ့ သူရဲကောင်းမေမေ။
သမီးရဲ့ ဥယျာဉ်မှုးမေမေ။
သမီးရဲ့ လမ်းပြကြယ်မေမေ။
သမီးချစ်တဲ့ သမီးရဲ့မေမေ။
မေမေ့ရင်ခွင်ရိပ်မှာ
ထွေးသိပ်ခဲ့တဲ့ ကလေး
အခုတော့ - မေမေ့ရဲ့ အဝေးမှာ။
လွမ်းလိုက်တာ မေမေရယ် -----။

ဒီအချိန်ဆို
သဇင်ပန်းခိုင်၊ ဆီမီးတိုင်တွေနဲ့
ဘုရားစင်ရှေ့မှာ
(မေမေလေ) မေတ္တာတွေ လှိုင်လှိုင်ပို့နေရှာရော့မယ်။
လိပ်စာမတပ်၊ တံဆိပ်ခေါင်း မကပ်ပေမယ့်
ပို့လိုက်သမျှ မေတ္တာ
ရင်သွေးတွေဆီရောက်ခဲ့ပါရဲ့။

မေမေပြောချင်တဲ့ စကားသံ
သမီးနှလုံးသားနဲ့ နာခံခဲ့ပါရဲ့။
စိတ်ချလိုက်ပါ မေမေ။
မေမေ့သမီးငယ်လေးဟာ
အလွမ်းတွေ မစင်သေးတာကလွဲရင်
မေမေ့သမီး ပီသနေဆဲ ဆိုတာကို။

သမီးဟာ -
ရေဆန်ကို လှန်မယ့် ငါးကလေးပါ မေမေ။
လေဆန်ကို ပျံမယ့် ငှက်ကလေးပါ မေမေ။
တစ်ချိန်မှာ နားခိုမယ့် သစ်ပင်ကို မမျှော်ကိုးဘူး။
တောင်ပံတွေ သန်မာနေဖို့ပဲ လိုတယ်။
မေမေဖြစ်စေချင်တဲ့ ဘ၀
တစ်နေ့တော့ရောက်ရမပေါ့။

စိတ်ဓာတ်မကျ၊ သက်ပြင်းမချပါဘူး။
ထာဝရအတွက် ကြိုးစားဆဲ။
ဘယ်သူပြောနိုင်မလဲ မေမေ။
နောင်နှစ်ပေါင်းခြောက်ဆယ်ကြာတဲ့အခါ
သမီးနာမည်နဲ့ ကြယ်တစ်စင်း
ကောင်းကင်မှာဝင်းလိမ့်မယ်။

ဗက်သွန်းလို၊ ကရိုနင်လို
လူငယ်တွေရဲ့ လူငယ်တွေကို လမ်းပြလို့
သူတို့နဲ့ အတူရင်ခုန်ရလိမ့်မယ်။
အဲဒီအခါကျရင် -
မေမေက လမင်းကြီး
တိမ်လွှာတွေကို ငြိမ့်ငြိမ့်လေးစီးလို့
(ကြယ်သမီးလေးကို)
ပြုံးပြုံးကြီး ကြည့်နေလိမ့်မယ်။ ။