စိတ်ကူးထဲမှာ
အပိုင်ဝယ်ထားတဲ့လမ်းကလေး။
မြို့ပြရဲ့ အတုအယောင်တွေ အဝေးက
သဘာဝမြင်ကွင်းတွေ စစ်စစ်
လေပြည်လေညင်းတွေ စစ်စစ်
ငါချစ်တဲ့ တောတွေ၊ တောင်တွေ
ကျေးငှက်သာရကာ၊ ပန်း၊ လိပ်ပြာတွေ
ဘာသာတရားရဲ့ အရိပ်အောက်က
ငြိမ်းချမ်းအေးမြမှုတွေ
အဲဒါ - ငါ့အိပ်မက်ထဲက ကမ္ဘာ
ဝိညာဉ်ဆာလောင်ခြင်းတွေရဲ့ ထွက်ပေါက်
အဲဒီမှာ - ငါတစ်ယောက်တည်းပဲ ဘုရင်။
အဲဒီလမ်းမှာဆိုရင် -
ပြုံးလို့၊ ရွှင်လို့၊ သီချင်းတွေဆိုလို့
လွင့်လို့၊ မျောလို့၊ လွတ်လပ်လို့။
ဒီလိုနဲ့ပဲ -
အာရုံတွေ မောပန်းလေးလံလာတိုင်း
ဆက်လက်ရှင်သန်ဖို့ ခွန်အား
အဲဒီလမ်းလေးမှာ သွား၊ သွားယူရတယ်။ ။
0 comments:
Post a Comment