ဦးတည္ခ်က္ေတြက
ဟိုဘက္ ယိမ္းလိုက္
ဒီဘက္ ယိမ္းလိုက္။
အေတြးတိမ္တိုက္ေတြ လြင့္တယ္။
မီးခိုးမဆံုး၊ မိုးမဆံုး။
ရြာခ်လိုက္ျပန္ျပီ။
စကားလံုးေတြက
တခ်ဳန္းခ်ဳန္း၊ တအံုးအံုး။
တူညီရင္ ျပံဳးျပ၊ မ်က္လႊာခ်
မတူညီရင္ ေစာဒက၊ ရွင္းျပ။
သက္ျပင္းခ်သံ
ခပ္ဖြဖြ ခံုေရြ႕သံ
စာရြက္လွန္လိုက္သံ
ဦးေႏွာက္ခ်င္း တြန္းတြန္းတိုက္တိုက္။
ပါးစပ္နဲ႕တိုက္တဲ့စစ္မွာ-
ျငိမ္းခ်မ္းေရးကို အေတြးနဲ႕ လဲခဲ့ၾက။ ။
0 comments:
Post a Comment